في احدى ايام رمضان المبارك ..جرى بيني وبين احدى صديقاتي هذا الحوار
صديقتي: السلام عليكم…
صموته:وعليكم السلام هلا وغلا..،
صديقتي: كيفك يالقاطعه؟! وكيف رمضان معك؟
صموته: =) بخير الله يسلمك..ورمضان احلى مايكون ..انتي كيفك وكيف العيال؟!
صديقتي: الحمد لله كلنا بخير ..سمعتي عن تأجيل الدراسه
صموته : ايه بس اتوقع ماشملتنا المكرمه 
صديقتي: احسن مابيها تتأجل..
صموته: ليه ؟!
صديقتي: ابي الدراسه تجي بسرعه ..وابي اتخرج واتوضف بأسرع مايكون
صموته: ههههههههه وليه مستعجله عيشي حياتك لحظه بلحظه
صديقتي: العمر يمشي…وابي اخلص بسرعه..عارفه لماتوضف بيكون عمري 30!! بينما اغلب البنات 24
صموته: طيب ..وين المشكله .. ؟؟
صديقتي : ياخساره عمري…ليتني مثل اغلب البنات..،
……
دام الصمت قليلا..
……….
صديقتي: ليه ساكته؟؟
صموته: افكر فيك..
صديقتي: حالتي تكسر الخاطر صح؟؟ عادي اتعودت على وضعي لاتشغلي بالك..
صموته: بالعكس انتي محظوظه لابعد الحدود.!!
صديقتي : انا..؟؟!
صموته: ايه …انتي لما يوصل عمرك ل30 بيكون عندك شهاده جامعيه ووضيفه بإذن الله وبيت وزوج وعيال..ومتعلمه ..
وصدقيني انا اعرف غيرك وصل ل30 لشهاده ولا وضيفه ولابيت ولاعيال ولازوج ولا تقرا ولاتكتب
صمتت صديقتي قليلا …
ثم قالت: جبرتي بخاطري ..الله يجبر بخاطرك
انتهى..
………………………….
تذكر ان تنظر..دائما للجانب الأيجابي …لترضى وتسعد بحياتك …ولاتنسى ان تبتسم حتى في اصعب الضروف
انظر الي الاشخاص في الصوره وامعن النظر في ابتسامتهم رغم فقهرم وصعوبه عيشهم الا انهم مازلو مبتسمين
